Молитвы от страха и в опасных для жизни ситуациях

Здесь хранятся материалы, использовав, прочитав и поняв которые, можно помочь себе пережить последствия трагедии.
Соната
Сообщения: 41
Зарегистрирован: 26 май 2010, 18:34
Цель пребывания на форуме: Специалист

Молитвы от страха и в опасных для жизни ситуациях

Сообщение Соната » 15 окт 2010, 23:53

МОЛИТВЫ ОТ СТРАХА
По благословению схиигумена Саввы

Кондак Богородице

Взбра́нной Воево́де победи́тельная, я́ко изба́вльшеся от злых, благода́рственная воспису́ем Ти раби́ Твои́, Богоро́дице, но я́ко иму́щая держа́ву непобеди́мую, от вся́ких нас бед свободи́, да зове́м Ти; ра́дуйся, Неве́сто Неневе́стная.
***
Всемогущий Боже! Час Твоей славы настал: умилосердись надо мною и избавь великого несчастья. На Тебя возлагаю мои надежды. Сам же я беспомощен и ничтожен. Помоги мне, Боже, и избавь меня от страха. Аминь.
***
О преодолении безпричинного страха о. Некрарий Оптинский говорил: "А ты сложи руки крестом на груди и 3 раза прочитай "Богородицу" и все пройдет». И проходит.

Песнь Пресвятой Богородице

Богоро́дице Де́во, ра́дуйся, Благода́тная Мари́е, Госпо́дь с Тобо́ю; благослове́на Ты в жена́х и благослове́н плод чре́ва Твоего́, я́ко Спа́са родила́ еси́ душ на́ших.

КТО БОИТСЯ НОЧЬЮ

Читать перед сном 40 раз молитву «Отче наш»

Молитва Господня
О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

ВО ВРЕМЯ БЕДСТВИЯ И ПРИ НАПАДЕНИИ ВРАГОВ


В опасных для жизни ситуациях, в темных местах нужно перекреститься (можно мысленно) и читать:

Молитва Честному Кресту

Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго и поправшаго силу диаволю, и даровавшаго нам тебе Крест Свой Честный на прогнание всякаго супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.

Или кратко:
Огради мя, Господи, силою Честнаго и Животворящаго Твоего Креста, и сохрани мя от всякаго зла.

Псалом 90
Живый в помощи Вышняго, в крове Бога Небеснаго водворится. Речет Господеви: Заступник мой еси и Прибежище мое, Бог мой, и уповаю на Него. Яко Той избавит тя от сети ловчи, и от словесе мятежна, плещма Своима осенит тя, и под криле Его надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи во тме преходящия, от сряща, и беса полуденнаго. Падет от страны твоея тысяща, и тьма одесную тебе, к тебе же не приближится; обаче очима твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло, и рана не приближится телеси твоему, яко Ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою; на аспида и василиска наступиши, и попереши льва и змия. Яко на Мя упова, и избавлю и: покрыю и, яко позна имя Мое. Воззовет ко Мне, и услышу его: с ним есмь в скорби, изму его и прославлю его, долготою дней исполню его, и явлю ему спасение Мое.

***
Преп. Антоний Оптинский писал: "...Советую Вам не отчаиваться и не унывать, а во всем на Бога уповать, который силен есть сохранить и Вас и Ваше дитя. Молитесь всегда Святой Троице и читайте:

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди».

И когда приходит, как темная туча, сомнение за жизнь, говорите:

"Упование мое Отец, прибежище мое Сын, покров мой Дух Святый, Троица Святая, слава Тебе!".

И Господь оживотворит надежду в сердце Вашем на спасение Его".

Тропарь Кресту и молитва за отечество
Спаси́, Го́споди, лю́ди Твоя́, и благослови́ достоя́ние Твое́, побе́ды православным христианам на сопроти́вныя да́руя, и Твое́ сохраня́я Кресто́м Твои́м жи́тельство.

Молитва Святому и Животворящему Кресту Господню
Пред дивною чудодейственною силою, Четвероконечный и Трисоставный Кресте Христов, у подножия твоего во прах распростертый, покланяюся ти, Честное Древо, отгоняющее от меня всякое демонское стреляние и освобождающее от всех бед, скорбей и напастей. Ты бо еси Древо Жизни. Ты еси очищение воздуха, освещение святаго храма, ограждение моего жилища, охранение одра моего, просвещение ума моего, сердца и всех моих чувств. Твое святое знамение ограждает мя со дня моего рождения, просвещает со дня моего крещения; оно со мною и на мне во вся дни живота моего: и на суше, и на водах. Оно же сопровождать мя будет до могилы, осенит и прах мой. Оно же, святое знамение чудодейственнаго Креста Господня, возвестит всей вселенней о часе всеобщаго воскресения мертвых и последняго Страшнаго и Праведнаго Суда Божия. О Кресте Всечестный! Осенением твоим вразуми, научи и благослови мя, недостойнаго, всегда несомненно верующего в непобедимую Силу Твою, огради мя от всякаго супостата и исцели вся недуги моя душевныя и телесныя. Господи, Иисусе Христе, Сыне Божий, силою Честнаго и Животворящаго Креста Твоего помилуй и спаси мя, грешнаго, от ныне и во веки веков. Аминь.

Св. Архистратигу Божию Михаилу
О, святый Михаиле Архангеле, помилуй нас, грешных, требующих твоего заступления, сохрани нас, рабов Божиих (имена), от всех видимых и невидимых враг, паче же подкрепи от ужаса смертнаго и от смущения диавольскаго, и сподоби нас непостыдно предстати Создателю нашему в час страшнаго и праведнаго Суда Его. О, всесвятый, великий Михаиле Архистратиже! Не презри нас, грешных, молящихся тебе о помощи и заступлении твоем в веце сем и будущем, но сподоби нас тамо купно с тобою славити Отца и Сына и Святаго Духа во веки веков. Аминь.
Молитва ко святому Ангелу хранителю
А́нгеле Христо́в, храни́телю мой святы́й и покрови́телю души́ и те́ла моего́, вся ми прости́, ели́ка согреши́х во дне́шний день, и от вся́каго лука́вствия проти́внаго ми врага́ изба́ви мя, да ни в ко́емже гресе́ прогне́ваю Бо́га моего́; но моли́ за мя гре́шнаго и недосто́йнаго раба́, я́ко да досто́йна мя пока́жеши бла́гости и ми́лости Всесвяты́я Тро́ицы и Ма́тере Го́спода моего́ Иису́са Христа́ и всех святы́х. Ами́нь.

Молитва любимому святому
Угодниче Божий (имя). Поминай нас в благоприятных твоих молитвах перед Христом Богом, да сохранит Он нас от искушений, болезней и скорбей, да дарует нам смирение, любовь, рассуждение и кротость, и да сподобит Он нас, недостойных, Царствия Своего. Аминь.

Тропарь, глас 4
Скоро предвари, прежде даже не поработимся врагом, хулящим Тя и претящим нам, Христе Боже наш: погуби Крестом Твоим борющия нас, да уразумеют, како может православных вера, молитвами Богородицы, едине Человеколюбче.

Кондак, глас 8

Возбранный Воеводо и Господи, ада Победителю! Яко избавлься от вечныя смерти, похвальная восписую Ти, создание и раб Твой: но яко имеяй милосердие неизреченное, от всяких мя бед свободи, зовуща: Иисусе Сыне Божий, помилуй мя.

Молитва
Господи, Всемогущий Боже, Царь всех царствующих и Господь всех господствующих, сказавший, что и волос с головы не упадет у нас без воли Твоей, прекращающий брани до края земли, сокрушающий лук, преломляющий копье, сожигающий огнем колесницы! Будь помощию нашею, защитою и крепостию, каменною горою и оградою от врагов. Не оставь наследия Твоего, называющегося святым именем Христовым. Да возвеличится слава Твоя в вышних и во всем мире, да будет на земле мир и благоволение. Не попусти разорять и опустошать церкви и училища, земли и народы, где обитает слава Твоя. Даруй всем христианским властям и подданным постоянный мир и согласие. Вооружи нас могуществом Твоим, потому что Тобою можем мы сокрушить полчища. Облеки нас силою Твоею и соделай, чтоб укрепились мы Тобою и могуществом силы Твоей. Аминь.

Молитва перед Владимирской
иконой Божией Матери

Днесь светло красуется славнейший град Москва, яко зарю солнечную восприимши, Владычице, чудотворную Твою икону, к ней же ныне мы, притекающее и молящися Тебе, взываем сице: о, пречудная Владычице Богородице, молися из Тебе воплощенному Христу Богу нашему, да избавит град сей и вся грады и страны христианския от всех навет вражиих и спасет души наша, яко Милосерд.

Святому благоверному князю Александру Невскому

Дни памяти 30 августа/12 сентября, 23 ноября/6 декабря

(Св. князь Александр Невский - прославленный полководец и мудрый правитель, отдавший всю жизнь делу защиты Русской земли. С молитвою одолел в бою превосходящие силы тевтонцев и шведов, терпением и умелой политикой спас Новгород от разорения татарскими полчищами. Во время поездки в Орду к Батыю твердо отказался поклониться языческим идолам. За мужество и стойкое исповедание Православия заслужил уважение хана и был отпущен с миром и почестями. Перед кончиной принял монашество и схиму с именем Алексий. Св. кн. Александру молятся об избавлении Отечества от иноземного нашествия, о добром нраве властей и правителей, об успехе в ратном деле, о твердом стоянии в вере.)

Скорый помощниче всех усердно к тебе прибегающих и теплый наш пред Господом предстателю, святый благоверный великий княже Александре! Призри милостиво на мя недостойнаго, многими беззаконии непотребна себе сотворшаго раба твоего (имя), к раце мощей твоих (ко святей иконе твоей) ныне притекающа и из глубины сердца к тебе взывающа. Ты в житии твоем ревнитель и защитник православныя веры был еси: и нас в ней теплыми твоими к Богу молитвами непоколебимы утверди. Ты великое возложенное на тя служение тщательно проходил еси: и нас твоею помощию пребывати коегождо, в неже призван есть, настави. Ты, победив полки супостата, от пределов Российских того отгнал еси: и на нас ополчающихся всех видимых и невидимых врагов низложи. Ты, оставив тленный венец царства земнаго, избрал еси безмолвное житие, и ныне праведно венцем нетленным увенчанный на небесех царствуеши: исходатайствуй и нам, смиренно молим тя, житие тихое и безмятежное, и к вечному Царствию шествие неуклонное твоим предстательством устрой нам. Предстоя же со всеми святыми престолу Божию, молися о всех православных христианех, да сохранит их Господь Бог Своею багодатию в мире, здравии, долгоденствии и всяком благополучии в должайшая лета, да присно славим и благословим Бога в Троице Святей славимаго, Отца и Сына и Святаго Духа, ныне и присно и во веки веков.

ОТ ОБИДЧИКОВ

Мученику Иоанну Воину
День памяти 30 июля/12 августа

(Св. Иоанн, будучи тайным христианином, служил в императорском войске. Посланный преследовать христиан, он вместо этого помогал гонимым. Открыто исповедав Христа, принял мученическую кончину. Известен также тем, что чудесным образом обличил воров в краже. Является покровителем христолюбивого воинства, ему молятся о заступлении от воров и грабителей, о нахождении утерянного или похищенного)

О великий Христов мучениче Иоанне, православных поборниче, врагов прогонителю и обидимых заступниче! Услыши нас, в бедах и скорбех молящихся тебе, яко дана тебе бысть благодать от Бога печальныя утешати, немощным помогати, неповинныя от напрасныя смерти избавляти и за всех зле страждущих молитися. Буди убо и нам поборник крепок на вся видимыя и невидимыя враги наша, яко да твоею помощию и поборством по нас посрамятся вси являющии нам злая. Умоли Господа нашего, да сподобит ны, грешныя и недостойныя рабы Своя (имена), получити от Него неизреченная благая, яже уготова любящим Его, в Троице Святей славимаго Бога, всегда, ныне и присно и во веки веков. Аминь.

Личное прошение
О великий Христов мучениче Иоанне! Услыши мя, прибегающего к тебе (имя), подаждь в скорби моей скорую помощь и заступление (содержание прошеная), яко да твоею помощию и поборством по мне посрамятся вси являющии мне злая. Аминь.

ВВИДУ ОПАСНОСТИ БЫТЬ УБИТЫМ
Святителю Никите Новгородскому
Дни памяти 31 января/13 февраля, 30 апреля/13 мая, 14/27 мая

(С юных лет поступил в Киево-Печерскую обитель. Возревновав о подвигах, впал в ослушание игумену и бесовскую прелесть, но по молитвам старцев Господь возвратил его к истине, и свт. Никита был избавлен от лукавого духа. Затем был поставлен епископом в Новгород, где пламенной проповедью и святой жизнью заслужил любовь народа и совершил немало чудес: спас город от пожара, низвел молитвой дождь с неба в засушливый год. От нетленных мощей свт. Никиты произошло много исцелений, преимущественно больных глазами и слепых)
О архиерею Божий, святителю Никито! Услыши нас грешных (имена), умиленно вопиющих: якоже седя на престоле святительства в Великом Новгороде сем, и единою, належащу бездожию, молитвою дождь свел еси, и паки граду сему огненным пламенем обдержиму, молитвою избаву подал еси, тако и ныне молим тя, о святителю Христов Никито: молися ко Господу, еже избавити ны от труса, потопа, глада, огня, града, меча и от всех врагов видимых и невидимых, яко да изрядных ради молитв твоих спасаеми, славим Пресвятую Троицу, Отца и Сына и Святаго Духа, и твое милостивное предстательство, ныне и присно и во веки веков. Аминь.

ОТ НАПАДЕНИЯ ГРАБИТЕЛЕЙ

Праведному Иосифу, Обручнику Пресвятой Девы Марии
Память в неделю Праотец и неделю по Рождестве Христове

Святый праведный Иосифе! Ты, еще на земли сый, велие имел дерзновение к Сыну Божию, Иже благоволи именовати тя отца Своего, яко обручника Своея Матере, и послушати тя: веруем, яко ныне с лики праведных во обителех небесных водворяяся, услышан будеши во всяком твоем прошении к Богу и Спасителю нашему. Темже, ко твоему покрову и заступлению прибегающее, смиренно молим тя: якоже сам от бури сумнительных помышлений избавлен был еси, сице избави и нас, волнами смущений и страстей обуреваемых; якоже оградил еси Всенепорочную Деву от клятвы человеческия, огради и нас такожде от всякия клеветы напрасныя; якоже хранил еси от всякого вреда и озлобления воплотившегося Господа, сице сохраняй твоим заступлением Церковь Его Православную и всех нас от всякого озлобления и вреда. Веси, святче Божий, яко и Сын Божий во днех плоти Своея в телесных потребах нужду имеяше, и ты послужил еси им: того ради молим тя, и нашим временным нуждам благопоспеши твоим ходатайством, подая нам вся благая, в житии всем потребная. Изрядне же просим тя: исходатайствуй нам оставление грехов приятии от нареченного ти Сына, единороднаго же Сына Божия, Господа нашего Иисуса Христа, и достойны быти наследия Царства Небесного нас предстательством твоим сотвори, да и мы, в горних селениях с тобою водворяющееся, прославим Единого Триипостаснаго Бога, Отца и Сына и Святаго Духа, ныне и во веки веков. Аминь.

ПРИ НАПАДЕНИИ СОБАК
Молитва Честному Кресту, «Богоро́дице Де́во, ра́дуйся».

КОГДА МУЖ НЕНАВИДИТ И ГОНИТ СВОЮ ЖЕНУ

Святым Мученикам Гурию, Самону и Авиву
День памяти 15/28 ноября

(Приняли мученическую кончину за Христа в сирийском городе Едессе и по смерти своей спасли от погибели благочестивую Евфимию, которая вышла замуж за воина-варвара и много пострадала от его несправедливых притеснений. Почитаются как небесные помощники в различных семейных нуждах, особенно же когда муж несправедливо гонит и ненавидит жену)

О святии мученицы и исповедницы Христовы Гурие, Самоне и Авиве! Теплии о нас ходатаи и молитвенницы пред Богом, во умилении сердец наших, взирая на пречистый ваш образ, смиренно молим вас: услышите нас, грешных и недостойных рабов своих (имена), сущих в бедах, скорбех и напастех, и презрев наша тяжкая и безчисленная прегрешения, явите нам свою великую милость, воздвигните нас из глубины греховныя, просветите наш ум, смягчите злое и окаянное сердце, прекратите зависть, вражду и раздоры, в нас живущие. Осените нас миром, любовию и страхом Божиим, Умолите Милосерднаго Господа, да покрыет множество грехов наших Своим неизреченным милосердием. Да соблюдет Церковь Свою святую от неверия, ересей и расколов. Да подаст стране нашей мир, благоденствие, земли плодородие; супругам любовь и согласие; чадам послушание; обидимым терпение; обидящим страх Божий; скорбящим благодушие; радующимся воздержание. Всех же нас да покрыет Своею всесильною десницею, и да избавит от глада, губительства, труса, потопа, огня, меча, нашествия иноплеменников и междоусобныя брани, и напрасныя смерти. Да оградит нас ополчением святых Своих Ангелов, во еже избавитися нам по исходе нашем из жития сего от козней лукаваго и тайных воздушных мытарств его, и неосужденными предстати Престолу Господа Славы, идеже лицы святых Ангел со всеми святыми выну славят пресвятое и великолепое Имя Отца и Сына и Святаго Духа, ныне и присно и во веки веков. Аминь.

В ОПАСЕНИИ ПОСТОРОННЕГО НАСИЛИЯ СВОЕЙ ДЕВСТВЕННОСТИ ИЛИ СУПРУЖЕСКОМУ ЦЕЛОМУДРИЮ

Преподобному Моисею Угрину, Печерскому
День памяти 26 июля/8 августа

(Моисей вынес искушение от бесстыдной своей госпожи, которая обольщала его ласками, обещаниями, после чего пытала его: сажала в яму, секла розгами, морила голодом).

Преподобне отче Моисей Угрин. Воззри на нас милостивно и к земли приверженных возведи в высоте небесней. Ты горе на небеси, мы на земле низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостивого Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненные и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: прими моления наша и вознеси их на жертвенник благоутробия Божия, да примем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитеся со упованием в блаженныя недра Авраамова, идеже ты радостно во трудех и подвизех ныне почиваеши, прославляя

Мученице Фомаиде Египетской

День памяти 13/26 апреля

(Фомаида решила лучше умереть, чем нарушить супружескую верность. Многие получали от нее благодатную помощь к сохранению целомудрия).

О, всехвальная мученице Фомаидо!
За чистоту супружества даже до крове подвизавшися и целомудрия ради душу свою положивши, достойна пред Господем обрелася еси, во еже в лице преподобных дев почтенней тебе бытии. Услыши нас молящихся тебе, и якоже древле боримии от плоти целительницу тя имеяху, по дарованней тебе от Бога благодати, сице и ныне прибегающим ко предстательству твоему подаждь отраду и свобождение от плотския брани, и целомудренное житие и незазорное в супружестве и девстве пребывание твоими Богоприятными молитвами всем исходатайствовати потщися, яко да телеса наша храм живущего в нас Святаго Духа будут. О, преизбранная в женах и верная рабо Христова! Помози нам, да не погибнем со стастьми и похотьми нашими, но да управимся умом нашим и укрепимся сердцем нашим во всяком благочестии и чистоте, славящее твою помощь и предстательство, благодать же и милость Триединого Бога, Отца и Сына и Святаго Духа, во веки веков. Аминь.
Использованы материалы сайта http://azbyka.ru/molitvoslov/

Вернуться в «Полезные материалы для переживших насилие»

Кто сейчас на конференции

Сейчас этот форум просматривают: нет зарегистрированных пользователей и 1 гость